«Энергетикалық сусындар, есірткі түрлері және олардың адам ағзасына зияндығы» атты ақпараттық бейнеролик көрсетілімі

Меркі ауданының білім бөлімінің 05.04.2024 ж. №665 хаты негізінде отбасы құндылықтарын сақтай отырып, бала тәрбиесін дұрыс жолға қою, саналы ата-ана мәдениетін қалыптастыру,  ата-аналардың құқықтық сауаттылығын арттыру мақсатында  және «Қауіпсіздік сағаты» жобасы аясында өтетін мектепішілік жалпы ата-аналар жиналысының кестесіне сәйкес Сыпатай Әлібекұлы атындағы N19 жалпы орта білім беретін мектебінде 2024 жылдың 19 сәуір күні «Зиянды заттарды (энергетикалық сусындар, есірткі түрлері және т.с.с.) пайдаланудың алдын алу» тақырыбында дөңгелек үстел  ұйымдастырылып, өткізілді. Іс-шараға мектепішілік жалпы ата-аналар қоғамдық кеңесінің төрайымы А.К.Алтынбаева, дәрігер А.Ахметова, ата-аналар және мектеп әкімшілігінен Т.Ш.Исмаилов пен Г.Б.Садирмекова қатысты. «Энергетикалық сусындар, есірткі түрлері және олардың адам ағзасына зияндығы» атты ақпараттық бейнеролик көрсетілімімен бастау алған  дөңгелек үстел барысында кәмелетке толмағандар арасында зорлық-зомбылық, буллинг және кибербуллинг ,  есірткіге тәуелділік, жыныстық қолсұғушылыққа жол бермеу, салауатты өмір салтын насихаттау бағытында кеңінен ақпараттар ұсынылып, кеңестер берілді. Жас ұрпаққа дұрыс тәрбие беру бойынша пікірлер айтылды.