«Құқықтық тәрбие беру – құқық бұзушылықтың алдын алу»

Ағымдағы жылдың ақпан айында өткізіліп жатқан «Құқықтық тәрбие беру – құқық бұзушылықтың алдын алу» атты  айлығының іс-шаралар жоспары аясында ағымдағы 2025 жылдың 14 ақпан  күні Сыпатай Әлібекұлы атындағы №19 жалпы орта білім беретін мектебінде мектеп білім алушыларды құқықтық сауаттылықтарын арттыру бағытында «Тәрбиелі тәртіптің құлы» тақырыбында  дәріс сағаты өткізілді. Дәріс сағатын мектеп директорының тәрбие ісі жөніндегі орынбасары Т.Исмаилов пен Меркі АПБ ЖПҚб УПИ полиция капитаны А.Ақылжанов жүргізді.  Іс-шараның мақсаты - кәмелетке толмағандар арасында таралған  қылмыстардың алдын алу және мектеп білім алушыларының құқықтық сауаттылығын арттыру. Жұмыс барысында кәмелетке толмағандар арасында жиі орын алатын құқық бұзушылықтар мен қылмыстардың орын алуының себептері мен олардың алдын алу бойынша мағлұматтар айтылып, заңға қайшы әрекеттері үшін жасөспірімдердің заң алдындағы жауапкершіліктері туралы кеңінен ақпараттар берілді. Құқық қорғау қызметкерлері тарапынан мектеп оқушыларының қойған сұрақтарына жауаптар берілді. Іс-шараға  мектебіміздің 8-11 сыныптарынан  72 білім алушысы   қамтылды.