«Құқықтық тәрбие беру – құқық бұзушылықтың алдын алу» атты айлығы.

Ағымдағы жылдың ақпан айында өткізіліп жатқан «Құқықтық тәрбие беру – құқық бұзушылықтың алдын алу» атты  айлығының іс-шаралар жоспары аясында ағымдағы 2024 жылдың 13 ақпан  күні Сыпатай Әлібекұлы атындағы №19 жалпы орта білім беретін мектебінде мектеп білім алушыларды құқықтық сауаттылықтарын арттыру бағытында «Тәрбиелі тәртіптің құлы» тақырыбында  дәріс өткізілді. Іс-шараның мақсаты -   кәмелетке толмағандар арасында таралған  қылмыстардың алдын алу және мектеп білім алушыларының құқықтық сауаттылығын арттыру. Дәрісті Меркі АПБ ЖПҚб УПИ полиция капитаны А.Алимбеков және АПБ ЖПҚб ювеналдық полиция тобының аймақтық инспекторы  Е.Оспанбеков жүргізді. Жұмыс барысында кәмелетке толмағандар арасында жиі орын алатын құқық бұзушылықтар мен қылмыстардың орын алуының себептері мен олардың алдын алу бойынша мағлұматтар айтылып, заңға қайшы әрекеттері үшін жасөспірімдердің заң алдындағы жауапкершіліктері туралы кеңінен ақпараттар берілді. Құқық қорғау қызметкерлері тарапынан мектеп оқушыларының қойған сұрақтарына жауаптар берілді. Іс-шараға  мектебіміздің 9-11 сыныптарының  білім алушылары қамтылды.