«Кәмелетке толмағандар арасындағы құқық бұзушылықтардың алдын алу» тақырыбында кездесу өтті.

Сыпатай Әлібекұлы атындағы  №19 жалпы орта білім беретін мектебінде 2024 жылдың 16 қаңтар күні Меркі ауданы полиция бөлімінің қызметкерлерімен  8-11 сыныптарының  білім алушылары  арасында «Кәмелетке толмағандар  арасындағы құқық бұзушылықтардың  алдын  алу» тақырыбында  кездесу өтті.
    Іс-шараның мақсаты: Кәмелетке толмаған жасөспірімдер арасындағы құқық бұзушылықтардың алдын алу, балалар қауіпсіздігіне арналған ережелермен таныстыру. 
    Кездесуге Меркі ауданы полиция бөлімінің  КПБ-нің аға уәкілі Е.Байтаков пен Меркі АПБ ЖПҚб ювеналдық полиция тобының инспекторы Е.Оспанбеков қатысты. Кездесу барысында полиция қызметкерлері жасөспірімдер арасында жиі кездесетін құқық бұзушылықтар мен қылмыстарға тоқталып, кеңінен ақпараттар беріп өтті. Сонымен қатар кәмелетке толмағандарға қатысты жыныстық тиіспеушіліктің, зорлық-зомбылықтың  алдын алу бағытында,  балалар  қауіпсіздігін қамтамасыз ету бойынша  ережелермен таныстырып, кеңестер берді.