"Ата-аналарды педагогикалық қолдау орталығының" арнайы бағдарламасы аясында ағымдағы 2024-2025 оқу жылының қазан айында ата-аналар арасында алғашқы сабақтарын өткізді.

Сыпатай Әлібекұлы атындағы N19 жалпы орта білім беретін мектебінде балаларды оқыту және тәрбиелеу мәселесі бойынша мектептің ата-аналармен қарым-қатынасын күшейту, сондай-ақ берекелі отбасы мәдениетін дамыту мақсатында құрылған "Ата-аналарды педагогикалық қолдау орталығының" арнайы бағдарламасы аясында ағымдағы 2024-2025 оқу жылының қазан айында ата-аналар арасында алғашқы сабақтарын өткізді. 1-4 сыныптарының ата-аналары арасында "Сапалы ұйқы: балалардың дамуы мен  денсаулығының іргетасы", 5-9 сыныптарының  ата-аналары арасында "Жасөспірімдердегі ұйқы: оқуға және мінез-құлыққа әсері", ал 10-11 сыныптарының  ата-аналары  арасында "Жасөспірімнің ұйқысы мен психикалық  денсаулығы" тақырыптарында өткізілді. Іс-шараны мектептің  шығармашыл педагогтері арасынан құрылған жұмыс топтары жүзеге асырды. Сабақтардың іске асырылуы  мектеп әкімшілігі мен жұмыс топтарының жан-жақты пысықтау сүзгісінен өткізіліп, жоспарлы түрде жүргізілді. Жұмыс барысында сабақтардың қойылған мақсаттарына жету үшін түрлі әдістер мен тәсілдер пайдаланылды. Әр сабақтың соңында ата-аналар тарапынан алынған кері байланыс үрдісінен ата-аналар бала тәрбиесі бойынша жан-жақты кеңестер алғанын айтып, ұйымдастырылған іс-шараны жоғары бағалағанын көруге болады.