"Ата-аналарды педагогикалық қолдау орталығының" арнайы бағдарламасы аясында

Сыпатай Әлібекұлы атындағы №19 жалпы орта білім беретін мектебінде балаларды оқыту және тәрбиелеу мәселесі бойынша мектептің ата-аналармен қарым-қатынасын күшейту, сондай-ақ берекелі отбасы мәдениетін дамыту мақсатында құрылған "Ата-аналарды педагогикалық қолдау орталығының" арнайы бағдарламасы аясында ағымдағы 2023-2024 оқу жылының қазан айында ата-аналар арасында алғашқы сабақтарын өткізді. Іс-шараны мектептің  шығармашыл педагогтері арасынан құрылған жұмыс топтары жүзеге асырды. Сабақтардың іске асырылуы  мектеп әкімшілігі мен жұмыс топтарының жан-жақты пысықтау сүзгісінен өткізіліп, жоспарлы түрде жүргізілді. 
  Ата-аналарды  педагогикалық қолдау бойынша I жұмыс тобының мүшелері 1-4 сыныптары оқушыларының ата-аналарымен «Отбасы - бақыт мекені», II жұмыс тобы 5-9 сыныптары  оқушыларының ата-аналарымен «Баланың бас ұстазы – ата-ана», ал  III жұмыс тобы 10-11 сыныптары оқушыларының ата-аналарымен  «Боламын деген баланың бетін қақпа, белін бу» тақырыбында қолдау сабақтарын өткізді. Жұмыс барысында сабақтардың қойылған мақсаттарына жету бағытында түрлі әдістер мен тәсілдер пайдаланылды. Әр сабақтың соңында ата-аналар тарапынан алынған кері байланыс үрдісінен ата-аналар бала тәрбиесі бойынша жан-жақты кеңестер алғанын айтып, ұйымдастырылған іс-шараны жоғары бағалағанын көруге болады.
 Орталықтың әр сыныптық буындардың ата-аналарына әдістемелік және практикалық қолдау көрсету іс-шаралары ағымдағы оқу жылының алдағы айларында да өз жалғасын табатын болады.