Балаларды оқыту және тәрбиелеу мәселесі бойынша мектептің ата-аналармен қарым-қатынасын күшейту, сондай-ақ берекелі отбасы мәдениетін дамыту.

Ағымдағы 2023-2024 оқу жылында Қазақстан Республикасының Оқу-ағарту министрлігінің 21.09.2023 жылғы шығыс №01-08/496 хатына байланысты Жамбыл облысы әкімдігінің білім басқармасы Меркі ауданының білім бөлімінің "Ата-аналарды педагогикалық қолдау орталығы" жұмысын ұйымдастыру қызметін жүзеге асыру туралы 04.10.2023 жылғы №431 бұйрығы негізінде Сыпатай Әлібекұлы атындағы №19 жалпы орта білім беретін мектебінде "Ата-аналарды педагогикалық қолдау орталығы" қызметін ұйымдастыру туралы мектеп директоры С.Сеитованың 05.10.2023 жылғы №253 бұйрығы шығарылды. Мақсаты - балаларды оқыту және тәрбиелеу мәселесі бойынша мектептің ата-аналармен қарым-қатынасын күшейту, сондай-ақ берекелі отбасы мәдениетін дамыту. Мідеттері: 1. Балалардың әл-ауқатын қамтамасыз ету үшін ата-аналардың педагогикалық мәдениетін, психологиялық және әлеуметтік құзыреттерін дамытуда ата-аналарға жүйелі педагогикалық қолдауды ұйымдастыру; 2. Балаларды тәрбиелеу мен дамытуда орта білім беру ұйымы мен отбасы арасындағы өзара іс-қимылды нығайту; 3. Балаларды тәрбиелеу мен дамытуда ата-аналардың жауапкершілігін арттыру. 
Ата-аналарды педагогикалық қолдау орталығының қызметін қамтамасыз ету бағытында шығармашыл педагогтер арасынан жұмыс топтарының құрамы (I топ -1-4 сыныптары  бойынша, II топ- 5-9 сыныптары бойынша,  III топ- 10-11 сыныптары бойынша) құралып, бекітілді. Орталықтың әр сыныптық буындардың ата-аналарына арналған бағдарламаға сәйкес жылына 8 сабақтық дәрістерін жүзеге асырады. "Даналық мектебі"  клубы құрамына кіретін мектепішілік "Аталар мектебі",  "Әжелер мектебі", "Ағалар мектебі", "Жеңгелер мектебі" құрылып, жетекшілері мен мүшелері бекітілді.