«Отбасы - орта мектеп» жобасы

«Отбасы - орта мектеп» жобасы аясында жүзеге асырылатын іс-шаралар жоспарына сәйкес 2024 жылдың 26 ақпан күні Сыпатай Әлібекұлы атындағы №19 жалпы орта білім беретін мектебінде  “Әжемнің әңгімесі” тақырыбында  бастауыш сынып білім алушылары арасында  даналық сағаты өткізілді. Мақсаты: Қазақтың салт-дәстүр, әдет-ғұрыптарын бойға сіңіру арқылы жас ұрпақты тәрбиелеу. Әже тәрбиесін үлгі ету, әрі олардың өнегесін күнделікті өмірде пайдалану,  әже мен немере арасындағы қарым-қатынасты нығайту. Әжеге деген сүйіспеншілік сезімдерін арттыру. Қазақта ата-әжесінің тәрбиесін көрген бала басқаша болады, айналасының да көзқарасы оған ерекше болады. Өйткені ауыл үлкендерінің жанында жүріп, олардың өнегелі әңгімесін тыңдап өскен баланың сана-сезімі басқалардан ерекше болып қалыптасады. Сондықтан әжелерді таптырмас тәрбие мектебі болып табылады. Іс-шараның қонағы ретінде  Агибаева Күлшаш, Омашева Күлзада және Өмірқұлова Ақзада сынды әжелер қатысып, балаларға әжелік  өнегелі өсиет кеңестерін айтып, тәрбиелік маңызы бар ойларымен бөлісті.