«Отбасы - орта мектеп» жобасы

«Отбасы - орта мектеп» жобасы аясында жүзеге асырылатын іс-шаралар жоспарына сәйкес 2024 жылдың 5 ақпан күні "Әке көрген оқ жонар" тақырыбында әкелер өкілдерімен дөңгелек үстел іс-шарасы өткізілді. Іс-шараның мақсаты: Өскелең жас ұрпақты тәрбиелеудің өзекті мәселелерін шешуде отбасындағы әке тәрбиесінің маңызы мен мәртебесін көтеру, қоғамда әкенің рөлін биіктету, ұрпақ тәрбиесіне деген әкелердің көзқарастарын кеңейту. Бала тәрбиелеу туралы ой-пікрлерімен бөлісу. Әр шаңырақта әкенің орны ерекше. Әке - отбасының асыраушысы, тірегі, қамқоршысы. Әкенің мінез-құлқы, өзгелермен қарым-қатынасы, өнері мен білімі - баланың көз алдындағы үлгі-өнеге алатын, оған қарап өсетін нысанасы. Отбасының пейіл-береке, ынтымағы үшін әкенің әділ, ұстамды болуы орасан маңызға ие. Оның тәрбиелік рөлі де зор. "Әке - асқар тау", "Әке - балаға сыншы" дейді халқымыз.