«Отбасы - орта мектеп» жобасы

Сыпатай Әлібекұлы атындағы №19 жалпы орта білім беретін мектебінде «Отбасы - орта мектеп» жобасы аясында жүзеге асырылатын іс-шаралар жоспары аясындағы кезекті іс-шара 2024 жылдың 19 ақпан  күні «Даналық мектебі» клубының  «Ағалар мектебі» қауымдастығы өкілдерінің қатысуымен  «Ағасы бардың жағасы бар» тақырыбында өткізілді. Іс-шара 5-7 сыныптарының  білім алушылары арасында әңгімелесу сағаты түрінде жүзеге асырылды. Мақсаты: Өскелең жас ұрпақты тәрбиелеудің өзекті мәселелерін шешу үшін аға буынның тәжірибесін өнеге ету,  халқымыздың  еңбекқорлық, қамқорлық жасау құндылықтарын дәріптеу, ұрпақтар сабақтасытығын насихаттау. 
    Білім алушылармен жүздесіп, балаларға  ағалық өнегелі ақыл - кеңестерін айтып, тәрбиелік маңызы бар ойларымен бөлісуге аға буын өкілдері – Қ.Байдильдаев, Е.Байбабаев және С.Шортанбеков келді. Өзінен кейінгі іні-қарындастарына  дұрыс жол бағыттап,  қоғамда лайықты өз орнын алатын адам болып қалыптасуларына өзіндік  зор ықпалдарын тигізетін білімпаздық, еңбекқорлық, адамгершілік, Отансүйгіштік және үлкенге құрмет, кішіге ізет көрсете білу құндылықтары бойынша  ағалық кеңестерін берді.