«Мұғалімнің көшбасшылық қасиеттері: бағыттары мен қалыптастыру жолдары» тақырыбында пікір алмасу алаңы

9 желтоқсан 2021 жылы мектебімізде жас маманға әдістемелік көмек көрсету мақсатында «Мұғалімнің көшбасшылық қасиеттері: бағыттары мен қалыптастыру жолдары» тақырыбында ДОТЖО Г.Ендыбаева пікір алмасу алаңын ұйымдастырды.
Жас мамандар тақырып бойынша өздерін толғандырып жүрген сұрақтарға тоқталып, пән бойынша туындаған мәселелердің шешімін табуға көмек көрсетілді.
«Көшбасшылық – басқаларды бағыттау және жетелеу. Мұғалім көшбасшылығын дамытудағы көзге көрінерлік тәсілдердің бірі кәсіби даму. Көшбасшы мұғалімдер өз тәжірибесін ішінен зерттей отырып, сол арқылы оқу, оқыту және өмір бойы білім алуды модельдеу туралы өз ойларын білдірді. Бір күнде көшбасшы болуға болмайды - бұл күнделікті күш-жігерді талап ететін ұзақ процесс. Тек көшбасшылар сияқты емес, сонымен қатар жеке тұлға ретінде мінезді нығайту және жан-жақты дамыту – бұл біздің дамуымыздың негізгі шарты. Көшбасшылар – басқалардың мақсаты, уәжі мен әрекетін қалыптастыратын адамдар. Көшбасшылық – шығармашылық, қуат пен біліктілік дегенді білдіреді. Көшбасшылық екінің бірінде бола бермейтін қасиет. Оны дамытпасаң ол өшеді. Кез келген мұғалім алдымен өз көшбасшылығын жетілдіріп, үнемі ізденісте болуы керек. Көшбасшысы бар жерде істе нәтижесін береді.