"Оқуға құштар мектеп" жобасы аясында

"Оқуға құштар мектеп" жобасы аясында "Бәріміз кітап оқимыз" дөңгелек үстел іс-шарасы жүйелі түрде әр аптаның сейсенбі күні жүргізіліп жатыр. Күндізгі ауысымдағы оқушылар үлкен үзілісте мектеп кітапханасына жиналып өздерінің оқыған кітаптарынан түсінгенін әңгімелеп берді. Бүгінгі дөңгелек үстел барысында 4а сынып оқушысы Қазақбай Әли  "Ертегілер желісі" бойынша "Қазақтың халық ертегілері" атты жинағынан сондай қызығушылықпен өз тыңдармандарына баяндап берді. 4ә сыныптан Еңсебек Аида, Ануарбек Айша, Оразқұл Дінмұхаммет, Аманжол Ернұр. 4а сыныбынан Рысқұл Сая, Жақыпбек Шаттық, Ерлан Ясина өте қызықты ертегілерін айтып берді. 
Түстен кейінгі ауысымда оқитын оқушылар өте белсенді түрде кітап оқуға деген құштарлықтарын биік дәрежеде көрсетуде. Соның ішінде 7а сынып оқушылары Хамза Ақпейіл, Кендебай Жанел, Сауытбек Ұлдана, Спанқұлова Зере, Нұрланқұлова Нұрдария, Сарналы Әнел өте жоғарғы деңгейде атсалысып жүр және кітапхананың тұрақты түрдегі оқырмандары.
Жобаның мақсаты: Оқушыларды кітап оқуға қызықтыру, сауаттылығы мен оқу мәдениетін қолдау. Қазақстан Республикасының Президенті Қ. Тоқаевтың оқуға ұсынған 30 кітабын оқу, оқушыларға оқуға ұсынылған 100 кітап жобасын жалғастыру.
Кітапханашы: Ұ. Баялиева