Сыпатай Әлібекұлы атындағы №19 жалпы орта білім беретін мектебінде Наурыз мерекесіне орай өткізілетін іс-шаралар аясында мектеп оқушылары арасында "Батаменен ел көгерер" атты бата беру жарысы ұйымдастырылды.Тәрбиелік маңызы зор іс-шарасына белсене қатысқан оқушылар арасынан жіберілген бата беру бейнетүсірілімдерінің ішінен ең үздіктері іріктеліп, арнайы мақтау қағаздарымен марапатталды.

Наурыз мерекесіне орай бейнелеу пәнінің мұғалімдері Г.Асқар мен К.Алимбекованың ұйымдастыруы барысында мектеп оқушылары арасында "Наурыз нұры" тақырыбында сурет байқауы өткізілді. Жеңімпаз суреттерінің авторлары арнайы мақтау қағаздарымен марапатталды.

Наурыз мерекесіне орай өткізілетін іс-шаралар жоспары аясында ағымдағы жылдың 17 наурызында мектеп оқушылары арасында "Ұлттық ойын-ұлт игілігі" атты ұлттық ойындар жарысы өткізілді. Іс-шараны Сыпатай Әлібекұлы атындағы №19 жалпы орта білім беретін мектебінің дене шынықтыру пәнінің мұғалімдері Қ.Шөкеев, С.Шортанбеков және Ы.Ардабеков сынды ұстаздарымыз ұйымдастырып, жүзеге асырды. Жарыс соңында барлық жеңімпаз жүлдегерлерге сыйлықтар беріліп, арнайы мақтау қағаздарымен марапатталды.

Сыпатай Әлібекұлы атындағы №19 жалпы орта білім беретін мектебінің әлеуметтік педагогы Б.Чотбаеваның ұйымдастыруымен ағымдағы жылдың 17 наурыз күні "ҰЛЫСТЫҢ ҰЛЫ КҮНІ - НАУРЫЗ" тақырыбында қайырымдылық акциясы өткізілді. Акция барысында мектебіміздің аз қамтылған отбасыларынан тәрбиеленіп, білім алушы балаларға қажетті канцеляриялық тауарлар үлестірілді.

Наурыз мерекесіне орай өткізілетін іс-шаралар жоспары аясында мектебіміздің "Дәстүрлі қолөнер" үйірмесінің жетекшісі Г.Асқар мен "Шебер қолдар" үйірмесінің жетекшісі К.Алимбекованың ұйымдастыруымен "Ұлы даланың қолөнері" тақырыбында шығармашылық көрме дайындалды.

Мектебіміздің білім алушы өскелең жас ұрпағы ағымдағы жылдың наурыз айының 16-сы күні "Туралықты тұғыр еткен Төле би" тақырыбында өткізілген кезекті адалдық сағатымен танысып, дәріс алды. Адалдақ сағатының бұл дәрісі қазақ халқының шешендік өнеріне, ел бірлігін нығайтуға елеулі үлесін қосқан ойшыл, дана, турашылдығымен тарихта ерекшеленіп, із қалдырған Төле би бабамыздың жас ұрпаққа өнеге болар ғибратты ғұмыры мен өсиеттеріне, даналығы мен жеке қасиеттеріне арналды.

Сыпатай Әлібекұлы атындағы №19 жалпы орта білім беретін мектебінде Қазақстан Республикасы Тәуелсіздігінің 30 жылдығын мерекелеу іс-шараларының жоспары аясында ағымдағы жылдың 11 наурыз күні "Өрлей бер, гүлдене бер Қазақстан!" тақырыбында ұлттар арасындағы Достық фестивалі өткізілді. Мақсаты:жас ұрпақты еліміздің көп ұлттылығын, татулығын мақтан тұтатын Отанымыздың патриоттары болып өсуге тәрбиелеу.

Сыпатай Әлібекұлы атындағы №19 жалпы орта білім беретін мектебінде 8 наурыз-Халықаралық әйелдер күні мерекесіне орай "Бұрымды қыз" атты 8-10 сыныптары аралығындағы қыз балалар арасында байқау өткізілді. Байқауға 6 қыз балалары қатысып, бақ сынасты. Байқау таныстыру, шаш өрім үлгілері, өнер, сән үлгісі, білім және "анама қолғабыс" бөлімдерінен тұрды. Байқау қорытындысы бойынша 1 орынды Жайлаубек Аяжан иеленсе, 2 орынды Қуантай Аяжан, ал 3 орынды Наурызбаева Алияға Бұйырды. Номинациялар бойынша

Сыпатай Әлібекұлы атындағы №19 жалпы орта білім беретін мектебінде "Ақпан айы-психологиялық кеңес беру" айлығының барысында мектеп психологы А.Бектурганова жоспарға сай іс-шараларын өткізді. Жүргізілген іс-шараларға оқушылар ата-аналар мен ұстаздар белсене қатысты.

Сыбайлас жемқорлыққа қарсы іс-қимыл ұйымдастыруымен Сыпатай Әлібекұлы атындағы №19 жалпы білім беретін мектебінің білім алушылары қазақ халқының аса көрнекті ағартушы педагогы, жазушы, этнограф, фольклоршы, ғалым, ұлт ұстазы Ыбырай Алтынсариннің өрісі кең, тағылымы мол шығармашылығына арналған "Ыбырай Алтынсарин-ұлы дала ағартушысы" тақырыбында кезекті "адалдық сағатын" көріп, дәріс алды. Көрсетілім барысында мектеп оқушылары Ыбырай Алтынсарин шығармашылығындағы парасаттылық, адалдық,