Күзгі каникул кезінде жүзеге асырылатын іс-шаралар жоспары

Күзгі каникул кезінде жүзеге асырылатын іс-шаралар жоспары аясында Сыпатай Әлібекұлы атындағы №19 жалпы орта білім беретін мектебінде 31 қазан күні мектеп ұжымы арасынан құрылған командалар арасында "Спорт - біздің серігіміз" атты эстафеталық спорттық сайысы өткізілді. Іс-шараның мақсаты - жолдастық, бірлік құндылықтарын дәріптей отырып, ұжым арасында ұйымшылдық атмосферасын қалыптастыру, салауатты өмір салтын насихаттау. Эстафеталық сайысқа 5 команда қатысып, өзара жарысып бақ сынасты. Тартысты өткен  спорттық сайыстар қорытындысы бойынша әділ қазылар алқасы тарапынан 22 ұпай жинаған гуманитарлық пәндер бірлестігінің "Серпін" командасы жеңімпаз аталып, I орынды иеленді. Орыс тілі мен шет тілдері бірлестігінен құрылған "Сұңқар", бастауыш сыныптары бірлестігінің "Қыран" және кіші қызметкерлердің "Батыр ата" командаларының барлығы бірдей 20 ұпайдан қанжылап,  жүлделі II орынды иеленді. Ал жаратылыстану бірлестігінің "Бірлік" командасы 18 ұпаймен жүлделі III орын иегері аталды. Сонымен қатар  кіші қызметкерлердің "Батыр ата" командасы жүлдегер II орынды  иеленуімен қатар "Үздік команда" номинациясын иеленді. Эстафеталық спорттық сайысына қатысқан командаларды жүлделі орындарымен құттықтай отырып, жеңістің биік тұғырынан көріне берулеріне тілектестігімізді  білдіреміз!
#Біртұтас_тәрбие#Жамбылоблысы#Меркіауданы