"Тәуелсіздік - тұғырым" тақырыбында мерекелік концерттік қойылым өткізілді.

Сыпатай Әлібекұлы атындағы N19 жалпы орта білім беретін мектебінде 16 желтоқсан - Қазақстан Республикасы Тәуелсіздік күніне орай жүзеге асырылатын іс-шаралар жоспарына сәйкес ағымдағы жылдың 14 желтоқсан күні "Тәуелсіздік - тұғырым" тақырыбында мерекелік концерттік қойылым өткізілді. Мақсаты -  еліміздің тәуелсіздік жолындағы тарихынан терең мағлұматтар беру, өскелең жас ұрпақты туған жерін, елін сүйетін отансүйгіштікке тәрбиелеу. Қойылым бағдарламасын дайындауда мектеп Парламенті өзін-өзі басқару ұйымы мүшелері ерекше белсенділіктерін көрсетті. Іс-шараның құрметті қонақтары ретінде қатысқан Меркі ауданы ардагерлер кеңесінің төрағасы Б.Жылысбев,  Сұрат ауылы ақсақалдар кеңесінің төрағасы Е.Адамбаев, "Әжелер мектебінің" мүшесі К.Қалдарбаева, 1986 жылғы Желтоқсан оқиғасының қатысушылары Н.Базилов, Р.Молдағұлова және мектеп директоры С.К.Сеитова ауыл тұрғындары мен мектеп ұжымын Тәуелсіздік күні мерекесімен құттықтап, жас ұрпақты еліміздің патриоттары болып өсулеріне тілектестігін білдірді. Мереке қарсаңында ұйымдастырылып, көрермен қауымының патриоттық сезімдерін оятып, тамаша көңіл-күй сыйлаған мектеп білім алушыларының концерттік бағдарламасы үшін ауыл азаматтары шын жүректен алғыстарын білдірді.