Қазақстан Республикасының президенті Қасым-Жомарт Тоқаевтың 2022 жылдың 1 қыркүйегінде Парламент палаталарының бірлескен отырысында жариялаған Қазақстан халқына Жолдауын талқылау жұмысы

Сыпатай Әлібекұлы атындағы N19 жалпы орта білім беретін мектебінде ағымдағы жылдың 2 қыркүйек күні Қазақстан Республикасының президенті Қасым-Жомарт Тоқаевтың 2022 жылдың 1 қыркүйегінде Парламент палаталарының бірлескен отырысында жариялаған Қазақстан халқына Жолдауын талқылау жұмысы жүргізілді. Мектеп директоры С.К.Сеитова мемлекет басшысының ел тарихында маңызы жағынан ерекше орын алатын Жолдаудың мазмұнымен және оның бағдарларымен ұжым мүшелерін таныстырып өтті. Мектеп директорының тәрбие ісі жөніндегі орынбасары Т.Ш.Исмаилов және тарих пәнінің мұғалімі Қ.А.Байдильдаев мемлекет басшысының Қазақстан халқына Жолдауындағы ел экономикасын көтеру, әлеуметтік жағынан әлсіз топтағы азаматтарға қолдау көрсетуде "Азамат-бизнес-мемлекет" арасындағы қатынастың дұрыс жолға қойылу бағытындағы президент тарапынан ұсынылып отырған бағдарлардың маңыздылығы туралы пікірлерін ортаға салды. Еліміздің жаңа кезеңге қадам басуы экономикалық өзгерістермен жалғасын табатын тарихи үрдіс. Мектеп ұжымы ел президентінің Жолдауына қолдау көрсете отырып, еліміздің жарқын болашағы бағытында адал еңбек етуді парызымыз деп біледі.