"Тәуелсіздік жолы: тарихнама, зерттеулер және тың көзқарастар" тақырыбында республикалық ғылыми-тәжірибелік конференция

2021 жыллың желтоқсан айында Қазақ мемлекеттілігінің дамуындағы басты тарихи кезеңдерді, тәуелсіздік жылдарында жеткен жетістіктерді, ел бірлігін нығайтқан құндылықтар мен идеяларды насихаттау мақсатында облыс орталығы - Тараз қаласында  Жамбыл облысы әкімдігі білім басқармасының оқу-әдістемілік кабинетінің ұйымдастырумен Қазақстан Республикасы Тәуелсіздігінің 30 жылдығына орай  "Тәуелсіздік жолы: тарихнама, зерттеулер және тың көзқарастар" тақырыбында республикалық ғылыми-тәжірибелік конференция өтті. Республикалық ғылыми-тәжірибелік конференция жұмысы 3 секция бойынша жүргізілді: 1 секция: "Тәуелсіздік Қазақстан: жетістіктер, мәселелер, перспективалар"; 2 секция: "Тәуелсіздік тұлғалары: Таным.Тағылым.Тарихи сабақтастық"; 3 секция: "Қазақстан тарихы: тәуелсіздік, мемлекеттілік, отансүйгіштік". Іс-шараға ЖОО ғалымдары мен оқытушылары, аудандар мен Тараз қалалық білім бөлімдерінің әдіскерлері, мектеп басшылары, директорлардың тәрбие ісі жөніндегі орынбасарлары, тарих пәнінің мұғалімдері, барлығы 200 педагог қатысты. Республикалық ғылыми-тәжірибелік конференцияға білім мекемелерінен баяндамалар қабылданып, іріктеу кезеңінен 31 баяндама республикалық ғылыми-тәжірибелік конференцияға жіберілді. Аталған  конференцияда  Сыпатай Әлібекұлы атындағы #19 жалпы орта білім беретін мектебінің   директорының тәрбие ісі жөніндегі орынбасары Т.Ш.Исмаиловтың  "Тәуелсіздік қастерлі ұғым - ең қымбат қазынамыз" тақырыбында жасаған баяндамасы үздік, мазмұнды жасалған баяндама ретінде аталып өтіп, арнайы алғысхатпен марапатталды.