ББЖМ-ға дайындық

Сыпатай Әлібекұлы атындағы №19 жалпы орта білім беретін мектебінде "оқу сауаттылығы" бағыты бойынша қазақ тілінде ББЖМ- ға қазан айынан бастап дайындық жүріп жатыр. ББЖМ 9- сыныптарда АКТ қолдана отырып, оқу сауаттылығы бағыты бойынша қазақ тілінде тапсырмалар мәтінмен жүргізіледі. "Оқу сауаттылығы" бағыты бойынша тест тапсырмаларының мазмұны ақпаратты түсіну, мәтіннің құрылымы мен негізгі ойын түсіну, мәтіннің стильдік ерекшелігін тану, түрлі дереккөздерден ақпарат ала білу,  мәтіндерге салыстырмалы анализ жасау, түсіну және жауап беру, анализ және интерпретацияға құрылған. Тест тапсырмаларының қиындығы үш деңгейде берілген: базалық деңгей (А) - 30%; орташа деңгей (В) - 50%; жоғары деңгей (С) - 20%. 1 тест тапсырмасын орындауға орташа 1,5 - 2 минут, жалпы тестті орындау мәтінді оқуға жұмсалатын уақытты ескере отырып, 20 минутты құрайды. Оқушы әрбір дұрыс жауап берген тест тапсырмасы үшін 1 балл, барлық тестті дұрыс орындаған жағдайда - 10 балл алады. ББЖМ тапсырмалары "Bilimland", "Darynonline", "Itest", "Quizziz" платформалары арқылы алынып жатыр. Әр алынған тест тапсырмаларының нәтижесі талданып, қатемен жұмыс жасалып, білім алушылардың мониторингі шығарылып отыр.