Ұлыстың ұлы күні 22 наурыз

Сыпатай Әлібекұлы атындағы №19 жалпы  орта білім беретін мектебінде Ұлыстың ұлы күні 22 наурыз - Жыл басы мерекесіне орай ағымдағы жылдың 20 наурыз күні мерекелік іс-шарасы өткізілді. Іс-шара  халықтық  мәдениетімізді, өнеріміз бен ұлттық құндылықтарымызды насихаттауға арналды.  Құрметті қонақтар  ретінде шақырылған ауыл ақсақалдары ақ баталарын берсе, ақ жаулықты әжелеріміз ізгі ниет, тілектерін білдірді. Мерекелік бағдарлама барысында ұлттық салт-дәстүрлер көрсетіліп, өнерлі білім алушыларымыз ән-билерімен шашу етіп, көрермен қауымның ризашылық алғыстарына бөленді. Мерекелік іс-шара қызу да тартысты өткен ұлттық спорт түрлерінен ұйымдастырылған жарыстармен  жалғасты. Ұлыстың ұлы күні әз-Наурыз мерекесі құтты болсын, ағайын!