"Наурызнама онкүндігі"

"Наурызнама онкүндігі" күнтізбесіне сәйкес мектебімізде  өткізілген кезекті іс-шара  "17 наурыз - Мәдениет және  ұлттық салт-дәстүр  күніне" арналды. Бұл күн халықтық  мәдениетімізді, өнеріміз бен ұлттық құндылықтарымызды насихаттауға арналады. Білім ошағында тәрбиеленуші жас ұрпақ ұлттық құндылықтарымызды бойына сіңіре білсе еліміздің ертеңі нұрлы болмақ. Бойына ұлттық құндылықтарды сіңіре білген адам болашаққа жауапкершілікпен қарап, еліміздің елдігі үшін аянбай қызмет ететін азамат болып өседі. Ұлттық құндылықтар - ұлт қорғаны. Халқымыздың басты құндылықтарының бірі - салт-дәстүріміз.   Ұйымдастырылған іс-шара барысында еліміздің жадында сақталған жыл басындағы "Тәу" айтып ниет ету, "Балаға ат қою", "Бесікке салу", "Тұсау кесер", "Бата беру" сынды ғұрыптары көрсетіліп, насихатталды. 
Ұлттық мәртебеміз әрдайым жоғары, ата-дәстүріміз ардақты болсын!