«Кел, дос болайық!» акциясы аясында «Ең үздік идея» атты достық туралы бейнероликтер байқауы ұйымдастырылды.

2024 жылдың 29 қараша күні Сыпатай Әлібекұлы атындағы №19 жалпы орта білім беретін мектебінде  сыныптар арасында өткізіліп жатқан «Кел, дос болайық!» акциясы аясында «Ең үздік идея» атты достық туралы бейнероликтер байқауы ұйымдастырылды. Байқаудың мақсаты – өскелең жас ұрпақ арасында достық қарым-қатынасына негізделген мейірімділік, бауырмашылдық, қамқорлық адами құндылықтарын дәріптеу.
    Байқауға төрт сынып тарапынан достық туралы дайындалған бейнероликтер ұсынылды. Олар: 2 «А» сыныбы (жетекшісі В.Найзабекова), 
7 «А» сыныбы (жетекшісі К.Базаркулова), 7 «Ә» сыныбы (жетекшісі М.Нұрбаева) және 9 «Ә» сыныбы(жетекшісі А.Бектурганова). 
   Сыныптар тарапынан ұсынылған жұмыстарды саралай келе жеңімпаз болып танылып, I орынды 7 «Ә» сыныбы (жетекшісі М.Нұрбаева) иеленді. Жүлделі II орынды 9 «Ә» сыныбы (жетекшісі А.Бектурганова) иеленсе, жүлделі III орыннан  2 «А» сыныбы (жетекшісі В.Найзабекова) мен 7 «А» сыныбы (жетекшісі К.Базаркулова)  көрінді. Достық тақырыбы бойынша тәрбиеләк мәні бар мазмұнды бейнероликтер түсіріп, жүлдегерлер аталған сыныптарға әркезде шығармашылық шыңдарынан көріне берсін деп тілектестігімізді білдіреміз.