"2024-2025 оқу жылындағы Біртұтас тәрбие бағдарламасы аясында мектептегі тәрбие жұмысының ұйымдастырылуы" тақырыбында семинар ұйымдастырылды.

Ағымдағы жылдың 26 тамыз күні Сыпатай Әлібекұлы атындағы №19 жалпы орта білім беретін мектебінде білім ошағының сынып жетекшілері арасында "2024-2025 оқу жылындағы Біртұтас тәрбие бағдарламасы аясында мектептегі тәрбие жұмысының ұйымдастырылуы" тақырыбында семинар ұйымдастырылды. Іс-шара барысында Қазақстан Республикасының Оқу-ағарту министрлігі Ы.Алтынсарин атындағы Ұлттық білім академиясының "2024-2025 оқу жылында Қазақстан Республикасының жалпы орта білім беретін мектептерінде білім беру процесін ұйымдастырудың ерекшеліктері туралы" әдістемелік нұсқау хатындағы "Тәрбие жұмысын ұйымдастырудың ерекшеліктері" атты бөлімі бойынша талқылау жұмысы жүргізіліп, "Біртұтас тәрбие бағдарламасы" аясында тәрбие үштағанының идеологемалары туралы кеңінен ақпараттар берілді. Сонымен қатар Қазақстан Республикасында Білім күнін атап өту бойынша ұсыным хатында көрсетілген нұсқаулықтармен таныстырылды. Семинарды ұйымдастырып, жүзеге асырған мектеп директорының тәрбие ісі жөніндегі орынбасары Т.Исмаилов.