"Жас Ұлан" ұйымының мүшелері "Өнегелі ұрпақ" атты іс-шарасын жүзеге асырды.

Елімізде мемлекет басшысы Қасым-Жомарт Тоқаевтың бастамасымен жүзеге асырылып жатқан республикалық "Таза Қазақстан" экологиялық акциясы аясында ағымдағы жылдың 4 мамыр күні мектептің "Жас Ұлан" ұйымының мүшелері "Өнегелі ұрпақ" атты іс-шарасын жүзеге асырды. Іс-шара барысында жас ұланшылар ҰОС жылдарындағы тыл майданының еңбек ардагері Найзабеков Мырзахан ата мен  ардагер ұстаз Құлажанова Әсет әженің үйіне барып, ауласында  тазалық жұмыстарын жүргізді. Ризалығын білдірген қарт ардагерлер отбасы атынан балаларға ақ батасын берді. Іс-шараны ұйымдастырған "Жас Ұлан" тәлімгері А.Абаева.