"Сәлемдесу - тәрбиенің бастауы" атты айлық акциясының іс-шаралары жоспары аясында сәлемдесу тақырыбына оқушылар арасында челлендж түсірілімі ұйымдастырылды.

"Сәлемдесу - тәрбиенің бастауы" атты айлық акциясының іс-шаралары жоспары аясында сәлемдесу тақырыбына оқушылар арасында челлендж түсірілімі ұйымдастырылды. Қазақ халқы сәлемдесуге үлкен мән беріп, оны парыз санаған. "Сәлем -  сөздің анасы" деп, баласына алдымен сәлемдесу әдебін үйреткен. Өйткені сәлемдесуіне қарап, халық баланың тәрбиесіне бағасын берген. Дәстүр бойынша  жасы кіші үлкенге амандасуға міндетті болған. Сондай-ақ жалғыз адам көпшілікке, аттылы адам жаяуға, жолаушы кісі отырған көпшілікке, жаңа түскен келін қайын атасы мен қайын ағаларына сәлем салған. Осыларға қарап ұл мен қыздың тәрбиелі немесе ибалы екенін біліп отырған. Осындай үлкен тәрбиелік маңызы бар халқымыздың дәстүрін ұмыт қалдыруға болмайды. Сол себепті атадан бізге мұра болып қалған дәстүрлерді сақтап, кейінгі ұрпаққа жеткізу әрқайсымыздың қасиетті парызымыз болып табылады.