Денсаулық сақтау күні

Қоғамдық денсаулық сақтау ұлттық орталығының ұйымдастырушылық-әдістемелік басшылығымен Қазақстан Республикасы Үкіметінің 2019 жылғы 26 желтоқсандағы N982 қаулысымен бекітілген Денсаулық сақтауды дамытудың 2020-2025 жылдарға арналған мемлекеттік бағдарламасы аясында 2022 жылдың 7 сәуір күні Сыпатай Әлібекұлы атындағы №19жалпы орта білім беретін мектебінде "Салауатты әлем құрайық" ұлттық бағдарламасының тұжырымдамасы негізінде Дүниежүзілік денсаулық күні аталып өтілді. Мақсаты - салауатты өмір салтын қалыптастыру және денсаулық - адамның өмірлік қажеттілігі мен жан-жақты құндылығы екенін насихаттау. Денсаулық күнінің іс-шаралары мектеп директоры С.К.Сеитованың жас ұрпаққа әрбір адам үшін денсаулықтың маңыздылығы жайында сөз қозғап, спортпен шұғылдануға шақыруымен басталды.  Сонымен қатар мектеп басшысы  еліміздің кемел болашағы дені сау,  салауатты өмір салтын өмірлік серік еткен білімді, өз елін сүйетін патриот ұрпағының қолында екенін айтты. Іс-шара білім алушылардың бірлесе жаппай жасаған дене жаттығуларынан кейін спорт алаңында ұйымдастырылған спорттық жарыстарға ұласты. Кросқа жүгіру, 100 м-ге жүгіру, эстафеталық жарыс, кермеде тартылу, гир тасын көтеру, ұлттық асық ату, тоғызқұмалақ, волейбол және футболдан жарыстар өткізілді. Барлық жеңімпаздар мен жеңімпаз командалар арнайы мақтау қағаздарымен марапатталды.