"Шәмші Қалдаяқов әндерінің патриоттық рухы"

Сыпатай Әлібекұлы атындағы №19 жалпы орта білім беретін мектебінде 2 "А" және 3 "Ә" сыныптарының білім алушылары арасында "Шәмші Қалдаяқов әндерінің патриоттық рухы" тақырыбында ақпараттық сағаттары  өткізілді. Мақсаты - халқымыздың ардақты тұлғасы, халықтық сазгері Ш.Қалдаяқовтың өмір жолымен  таныстыру, сазгердің  танымал әндері арқылы жас ұрпақты патриотизм рухына тәрбиелеу. Бүгінде кез келген ұлттың бәсекеге қабілеттілігі мен даму деңгейі оның әлем мәдениеті мен өркениетіне қосқан үлесі және адамзатқа сыйлаған ардақты тұлғаларымен өлшенеді. Міне осы тұрғыдан алғанда қазақ даласын әнімен тербеткен ұлы тұлға Шәмші Қалдаяқов қазақ халқының ұлттық мақтанышы. Әйгілі сазгердің бізге, өскелең жас ұрпаққа қалдырған өнер мұрасы - халқымыздың рухани байлығы. Оның патриоттық әндері әлі талай ұрпақтың патриоттық сезімін шыңдайтынына сеніміміз мол. Ақпараттық сағаттарын сынып жетекшілер Э.Сандықбаева мен В.Найзабекова ұйымдастырып өткізді. Іс-шараға 28 оқушы қамтылды.