"Ұстаздарға мың алғыс!" тақырыбында мерекелік қойылым өтті.

Мұғалімдер күні мерекесіне орай өткізілетін іс-шаралар жоспарына сәйкес ағымдағы жылдың 6 қазан күні Сыпатай Әлібекұлы атындағы N19 жалпы орта білім беретін мектебінде "Ұстаздарға мың алғыс!" тақырыбында мерекелік қойылым өтті. Іс-шараның мақсаты - жас ұрпақты ардақты да аяулы, білім нәрімен сусындатқан ұстаздарына құрмет көрсетуге, адамгершілікке,  Отанды сүюге тәрбиелеу. Салтанатты іс-шараға мектебіміздің ардагер ұстаздары құрметті қонақтары ретінде шақырылып, сый-сияпат көрсетілді. Мерекелік қойылымның ашылу рәсімінде сөз алған мектеп директоры С.Сеитова барлық ұстаздарды кәсіби төл мерекесімен құттықтап,  әр уақытта Отанымыздың болашағының зор үміті болып табылатын жас ұрпақты тәрбиелеп,сапалы білім берудегі еңбектерінің жемісті болуына тілектестігін білдірді. Мерекелік қойылым бағдарламасы барысында мектеп білім алушылары ұстаздар қауымына арнап  мерекеге орай өлеңдер оқып, тамаша әндері мен билерін тарту етті. Ризашылығын білдірген білдірген ардагер ұстаздар мектеп ұжымына, білім алушы оқушыларға өздерінің алғыстарын білдірді.