Педагогтарды жұмысқа қабылдау конкурсы өтті.

2023 жылдың 4 -12 қыркүйек аралығында "Жамбыл облысы әкімдігінің білім басқармасы Меркі ауданының білім бөлімінің Сыпатай Әлібекұлы атындағы N19 жалпы орта білім беретін мектебі" коммуналдық мемлекеттік мекемесінде уақытша негізгі қызметкердің болмауына байланысты бос тұрған 1 бастауыш сыныбының мұғаліміне (13 сағат) конкурс жарияланған еді. Осы уақыт аралығында конкурс талаптарына сай 2 бастауыш сынып мұғалімдері құжаттарын тапсырып, үміткер ретінде тіркелген. Конкурстық комиссияның отырысы  Т.Исмаиловтың төрағалығымен 15 қыркүйек күні өткізілді. Конкурстық  комиссия Қазақстан Республикасы Білім және ғылым министрінің 2012 жылғы 21 ақпандағы N57 бұйрығымен бекітілген талаптарына сәйкес үміткерлердің құжаттарын қарап,  11-қосымшасына сай бағалау парағында көрсетілген өлшемшарттар бойынша баллдарын көрсете отырып, үміткерлердің конкурсқа ұсынған құжаттарын саралап, есептеуді жүзеге асырды. Нәтижесінде Закирова Зарина Серикбаевнаны  уақытша бастауыш сыныбының мұғалімі ретінде қабылдау туралы мектеп директоры С.Сеитоваға ұсыныс жасау жөнінде шешім шығарылды.